日月星辰 (已結業)

係social media 留意到附近有新開台灣野，今日終於lunch time 行過去工廠區試下新野，雖然係工廠區，但都好易搵。兩個人叫左兩個火車便當。可能係工廠區關係，份量都好足，如果女仔建議少飯。我叫左鹽酥雞滷肉飯，鹽酥雞唔知係咪唔記得落粉，比較似普通炸雞，無鹽酥香味，但都好食。而滷肉飯偏甜，個人唔太喜歡，如果可以無咁甜就好啦。另外仲叫左鹽酥豬排滷肉飯，豬排好好食。跟餐送茶，另外加錢可以轉野飲。我見比較多人叫雞排，下次都可以試下。整體不錯，對得住個價錢。