金亞淶泰國餐廳

营业中

休息中

又到左泰國菜嘅時間啊，今日咁啱喺荔枝角度做嘢，放工就上咗呢間喺工廠大廈裏面嘅泰國菜都試吓，因為有朋友介紹過佢哋嘅特色招牌菜好好食，出邊係食唔到，所以就嚟試吓啦❤️火山牛 $88⭐️⭐️⭐️⭐️⭐️本身佢哋特色招牌菜，有兩個，一個係食豬，一個係食牛，因為我勁鍾意食牛，所以就叫咗火山牛，但係見到隔籬枱叫咗個火山骨，即係豬，賣相勁震撼，搞到我有啲想試吓，不過唔緊要，食咗個牛先，牛肉七成熟，再配埋自家調製嘅醬汁，勁開胃，酸酸辣辣咁樣，再加埋個七成熟嘅牛肉，入口軟林林，勁正，強烈推薦👍🏻泰式蝦餅 $68⭐️⭐️⭐️⭐️⭐️佢哋嘅蝦餅真係不得不讚，大大嚿，裏面材料好足夠，食得出好香蝦肉味，$68有四舊真係好抵食，外面炸到好香脆，但係入面肉質好Juice 👍🏻👍🏻👍🏻泰式豬脾 $68⭐️⭐️⭐️⭐️⭐️呢款菜式又係推薦嘅菜式，豬髀煮得好林，每一啖都好似食緊膠原入口咁，側邊仲提供左酸菜，店員建議夾埋酸菜一齊入口，層次感真係增加咗好多😍椰皇三重奏 $35⭐️⭐️⭐️⭐️⭐️最後叫埋個甜品，呢個椰皇三重奏嚟到賣相好靚，亦都好香椰汁味，當我用匙羹不落去嘅時候，面層原來係椰汁，底層就係說動左造成啫喱狀嘅椰青水，更有驚喜，超好味，唔會太甜，真係成個食晒