影片
更多
2023-05-03
2552 浏览
不時都會過嚟葵涌區呢邊搵食，晌工廠區一帶，近住KCC呢邊其實都有好多食肆，不過大都喺晌星期日休息不營業，因為少咗附近啲寫字樓客嘛。但今次到訪嘅「Libra by Little Prince」就星期日都有開鋪，皆因樓上就喺Outlet特賣場，多少都有一定客源，而咖啡店又啱小弟口味。面裝修比較歐洲風，加上用咗深色嘅湖水綠，非常有雅氣，以周圍都係工廈而言，其實喺相當搶眼。而走到入餐廳裡面，裝修高雅，加上牆上的掛畫，真有一派歐洲咖啡店嘅模樣。客人先晌近門口嘅櫃檯落單，再俾個號碼牌你放晌枱上，等店員將食物送上。午餐共有10款選擇，已包括沙律類、意粉類 、意大利飯類、漢堡類、全日早餐……飯等等，定價由$56至$88，包指定基本餐飲，但亦可以以半價轉配咖啡系列、鮮奶系列。煙肉芝士牛肉漢堡伴薯條 $88 老友研究咗好耐，最心水都邪惡都喺漢堡包，仲有大量惡毒嘅薯條，伴以少少沙律菜，賣相都幾唔錯。佢就話啲薯條炸得好脆口，又唔油膩，沙律菜爽脆新鮮，當然主角嘅漢堡包亦都高質素，食得出件漢堡牛肉喺手打，鬆化而富肉汁，煙肉亦喺高級靚貨，最正就喺啲芝士溶到透，軟綿綿，而包身亦都好軟熟，加上即叫即做，一啲都唔輸蝕俾啲
面裝修比較歐洲風，加上用咗深色嘅湖水綠，非常有雅氣，以周圍都係工廈而言，其實喺相當搶眼。而走到入餐廳裡面，裝修高雅，加上牆上的掛畫，真有一派歐洲咖啡店嘅模樣。
客人先晌近門口嘅櫃檯落單，再俾個號碼牌你放晌枱上，等店員將食物送上。午餐共有10款選擇，已包括沙律類、意粉類 、意大利飯類、漢堡類、全日早餐……飯等等，定價由$56至$88，包指定基本餐飲，但亦可以以半價轉配咖啡系列、鮮奶系列。
煙肉芝士牛肉漢堡伴薯條 $88 老友研究咗好耐，最心水都邪惡都喺漢堡包，仲有大量惡毒嘅薯條，伴以少少沙律菜，賣相都幾唔錯。佢就話啲薯條炸得好脆口，又唔油膩，沙律菜爽脆新鮮，當然主角嘅漢堡包亦都高質素，食得出件漢堡牛肉喺手打，鬆化而富肉汁，煙肉亦喺高級靚貨，最正就喺啲芝士溶到透，軟綿綿，而包身亦都好軟熟，加上即叫即做，一啲都唔輸蝕俾啲漢堡包專門店。
泡沫咖啡 $20老友同樣喜歡飲意式咖啡，意大利泡沫咖啡就喺佢嘅心水，成品送到嚟差啲以為喺我杯鮮奶咖啡，因為睇樣面頭嘅泡沫打得唔算話好豐厚，但飲囉佢又話好唔錯，面層嘅泡沫其實好綿密，咖啡味十分醇香。
炸軟殼蟹松葉蟹膏意大利飯 $86我成日都話，試一家餐廳，意大利飯喺其中一道最易試到師傅功夫嘅菜式，一般嚟講意大利飯嘅外觀睇起嚟都會比較濕潤，但今次呢碟睇樣似有啲乾，不過食落口又OK喎，飯粒咬落有煙韌感，都做到意大利飯應有嘅效果，只喺個汁底偏少，然而，另外軟殼蟹都炸得好香口，外脆內軟，然而，松葉蟹膏就未覺得好明顯，整體嚟講食味都算喺不俗。
鮮奶咖啡 $20其實「Little Prince」正正喺一間開晌KCC地下嘅咖啡店，所以，無理由唔試佢哋啲意式咖啡架，鮮奶咖啡就喺小弟「飛弗」。杯面嘅拉花花紋幾細緻，喺對秤位差咗啲啲，但當然唔影響味道啦，飲落幾醇和，有果仁香氣，沖泡嘅手勢有一手，無攪高，每一口都好均勻。
過咗星期日午餐嘅尖峰時間，客人漸少，餐廳變得更寧靜，我哋就繼續坐，繼續傾，平日為工作勞勞碌碌，此時此刻，感覺確喺寫意無限。
张贴
