新蒸武門 (已結業)

對於冇住家飯食嘅人來講，時不時都想搵啲住家菜黎食下，誤打誤撞嚟到呢間工廈裏面嘅餐廳，嚐到家常菜嘅味道!! 一坐低就有呢杯養生茶飲，有個熱水壺係枱面可以自己不斷refill!!店員話呢個晩市特價孖寶係新菜單，揀咗孖寶B餐嚟試吓!!翠玉瓜雲耳炒百合，用上新鮮百合黎炒，翠玉瓜爽口，食到家嘅味道!! 紅棗杞子蒸雞，雞肉嫩滑彈牙，雞下面有粉絲同埋金菇，粉絲吸左雞油同埋荷葉香，非常好味!! 另外點多咗一個餸，豉汁龍躉球蒸豆腐，不得不提呢碟豆腐係非常非常非常滑，估唔到豆腐先係主角!!兩個燉湯都好足料入味，無花果海底椰雪梨燉豬展就清甜，而蟲草花花菇瑤柱燉雞就比較濃味d，自己鍾意雪梨嗰個湯多d!!