漁吉海鮮丼專門店 (已結業)

今日又去左apm行街，行行下行左附近一座工業大廈裡面賣韓國藥妝品店，裡面d野ok平。買完野又周圍行下之際，比我地發現左起8樓有一間叫漁吉嘅日本餐廳，主要食sashimi丼同Sushi, 見到個menu d相幾靚仔，於是就入去試下。可能係上樓鋪，星期六dinner時間餐廳人流不多，坐得幾鬆動同舒適。坐低後，我同friend各人order左個丼：漁吉特選丼裡面有三文魚，油甘魚，燒鰻魚，海膽，三文魚籽，櫻花魷魚，赤蝦，左口魚邊，帆立貝，玉子燒🍣好似係雜錦魚生放題丼咁，好豐富🤩各樣魚生都食得出好新鮮，有選擇困難嘅唔想諗太多，又想乜都試d嘅一定要揀呢個丼！！北海帆立丼裡面主要係火灸帆立貝，海膽，三文魚籽，玉子燒🍣個帆立貝好厚肉同新鮮，份量都算係多，三文魚籽大大粒，好有咬感，海膽更是鮮甜，鍾意食帆立貝嘅一定唔可以錯過 🤤另外，呢間餐廳亦有好多唔同種類壽司，但兩個丼真係好豐富，我地食完已經比佢KO左，要下次先試到了。