神木日本料理 (已結業)

餐廳近觀塘港鐵站，APM對面，地點方便，但位於工廠大廈樓上又幾隱世。我無時無刻都想食日本嘢，朋友就帶我嚟「神木日本料理」嘆個午餐。天花滿佈彩色油紙傘，牆上掛有日本漫畫海報，佈置充滿日本風情。餐廳有獨立卡座，枱與枱之間寬敞，部份更用竹簾做屏風，私隱度高，環境坐得舒服，午餐定食選擇多仲免收加一，價錢又親民，啱晒忙咗成朝工作嘅朋友，放飯時間嚟嘆一個滿足嘅lunch。✾ 特選壽司定食配烏冬 $98想食壽司，同時又想𠽌碗烏冬，呢款定食就啱晒，而且份量都唔少，有成八件壽司：赤蝦、三文魚、鯛魚、螺片、吞拿魚蓉軍艦、白身魚、卷物，仲有寫住「神木」嘅玉子，夠晒豐富。個人鍾意食幾件凍壽司，又𠽌幾啖暖烏冬好舒服，烏冬口感軟滑夠煙韌，海帶豬骨湯底濃郁。定食配有：⊙茶碗蒸~蒸得好滑有蛋香，有嗚門卷同冬菇。⊙味噌湯~有海帶，唔會過鹹。⊙是日小食~青瓜胡麻醬牛舌，清新爽口。✾ 美國極上三角牛 (140g) 併大蝦帆立貝 $138係鐵板燒定食，上枱時仲聽到鐵板熱到「治治」聲，三角牛勁厚身，切開大概三成熟，可以利用燒熱鐵板嘅高溫燒到自己所需熟成度。三角牛肉質嫩，入口好腍有肉汁，牛味濃郁，食到最後仍然保持溫度。併有兩粒帆