Pasta Zone (已結業)

今日黎到觀塘既駱駝漆大廈覓食，呢間pasta 係手工製既意粉，有好多外面餐廳未必有既傳統意式pasta， 好似係貓耳朵，紐紋粉，手工薯仔等等。今次就試左意大利手工紐紋粉配帕爾瑪火腿香草汁 同 意大利手工豬耳朵配鯷魚橄欖汁，午餐附贈餐包及飲料。《意大利手工豬耳朵配鯷魚橄欖汁》貓耳朵細細粒咬落非常煙韌，非常有口感，個醬汁淡淡而清爽，食落唔會太濟，加埋即磨既芝士又添加左風味，好食。《意大利手工紐紋粉配帕爾瑪火腿香草汁》個紐紋粉相對於個貓耳朵，味道就會濃郁d，食落會有重重既香草味，個紐紋粉咬落都係非常煙韌同有口感既，加埋個Parma Ham 同芝士就令同成件事更加濃郁，食到最後會有少少濟，但都係好食既。兩個意粉都係好出色既，特別係佢煙煙韌韌既口感，但係份量就會係傳統意式餐廳既份量 男仔就可能要叫多個甜品啦店員主動見我個意粉未到，主動走過黎問同追單，服務收尾附上飲品綠茶同+$9整左杯 cappuccino ，整體而言非常高質既手工意粉，會再幫襯