Add Some Thai Restaurant

营业中

休息中

又係傳單帶我去搵食系列！憑傳單送飲品！😆踏入店舖內燈光柔和，裝潢以泰國水燈節為主題，有流水式波波燈佈置，又有天燈形狀燈飾掛在假天花。今次叫左一碟金邊粉已經好飽，其實一d都唔辣～ 係泰式酸酸甜甜（不過我嫌佢甜咗少少你）。泰式炭燒豬頸肉炒金邊粉 ：超大份，豬頸肉厚薄剛好，泰式調味酸辣甜，配埋脆脆花生囗感，另外仲跟埋半個青檸仔，加啲青檸汁喺豬頸肉上面零舍清爽，唔油膩。反而杯凍檸茶有驚喜，泰式花茶底，飲落淡淡花香味。買單時，店員話店舖內，還設有2間獨立箱房！可以一邊唱住卡拉OK用餐，一邊玩board games，夠自由又隱私。下次可以搵埋多啲人一齊玩一齊食。