丼瀛 (已搬遷) 新店位置

一入去就聽到餐廳播住《願榮光歸香港》，又貼滿晒文宣，每張枱都放咗枝消毒洗手液夠晒貼心，咁有良心嘅黃店一定要大大力懲罰佢！所有便當都配章魚小丸子2粒、沙律、味增湯同餐飲，章魚燒外脆內軟，配燒汁同木魚碎都幾惹味，味增湯麵豉味夠出之餘唔會太鹹-大和牛肉燒($88)肥牛夠嫩滑，洋蔥新鮮清甜，醬汁味道都好濃郁鮮甜鹽燒鯖花魚($78)外皮微酥脆，肉質厚實有彈性，而且冇腥味，擠少少檸檬汁已經可以帶出鯖魚嘅鮮味餐飲加錢叫咗巨峰提子梳打(+$8)同青蘋果梳打(+$8)，味道都偏甜，建議叫少甜比較好