影片
更多
2018-09-19
64 浏览
聽聞觀塘區好多隱世食肆、臥虎藏龍，但自己從未真正去尋覓過。直至今晚，識飲識食嘅阿妹預早訂枱下，終於尋訪觀塘巧明街，未去前仲驚好難搵，原來通過APM，穿過港貿中心落去就直達巧明街，一轉右行幾步就到餐廳大廈，相當易搵喎😂！到達「丼瀛」感覺係另一個世界，一間日式餐廳就在面前，餐廳環境充滿日式氣氛，裝飾特別又感覺舒服、用餐傾計好地方。食物選擇繁多，無論丼、浜燒、串燒或各種日式料理嘅選擇真係超多，而且更有每日之選嘅原條刺身魚。有選擇困難症嘅我倆，喺服務員態度親切、細心介紹建議下，今晚嘅order終於有所定案，今時今日有如此服務，真的值得一讚👍🏻👍🏻今晚兩兄妹豐富嘅晚餐開動啦⋯⋯哈哈😄！香桃蟹籽沙律 — 一個以蘋果絲為主嘅特色沙律，非常爽甜充滿蘋果伴桃香，又帶點蟹籽粒粒口感，一種沙律可作為餐前開胃、餐中中和、餐後生果，超棒！浜燒：丼瀛活貝大盛 — 大盛包括：白蜆殼燒 四隻、岩蠔殼燒 兩隻、北海道帆立貝殼燒 兩隻、活鮑魚殼燒 兩隻餐廳安排非常體貼，浜燒大盛並唔會一次過來，每燒完一款就隨即上枱，務求令我哋嚐到最熱騰騰、最新鮮嘅海鮮。每款海鮮除了用「鮮甜」就係用「鮮甜」來形容，四款海鮮質感各有特色，真係
到達「丼瀛」感覺係另一個世界，一間日式餐廳就在面前，餐廳環境充滿日式氣氛，裝飾特別又感覺舒服、用餐傾計好地方。
食物選擇繁多，無論丼、浜燒、串燒或各種日式料理嘅選擇真係超多，而且更有每日之選嘅原條刺身魚。有選擇困難症嘅我倆，喺服務員態度親切、細心介紹建議下，今晚嘅order終於有所定案，今時今日有如此服務，真的值得一讚👍🏻👍🏻
今晚兩兄妹豐富嘅晚餐開動啦⋯⋯哈哈😄！
香桃蟹籽沙律 —
一個以蘋果絲為主嘅特色沙律，非常爽甜充滿蘋果伴桃香，又帶點蟹籽粒粒口感，一種沙律可作為餐前開胃、餐中中和、餐後生果，超棒！
浜燒：丼瀛活貝大盛 — 大盛包括：
白蜆殼燒 四隻、
岩蠔殼燒 兩隻、
北海道帆立貝殼燒 兩隻、
活鮑魚殼燒 兩隻
餐廳安排非常體貼，浜燒大盛並唔會一次過來，每燒完一款就隨即上枱，務求令我哋嚐到最熱騰騰、最新鮮嘅海鮮。每款海鮮除了用「鮮甜」就係用「鮮甜」來形容，四款海鮮質感各有特色，真係超級好味！
北極光海膽杯 —
特別以酒杯盛滿嘅海膽杯，每層各俱特色、顏色繽紛，食到的除了主角海膽，仲有海葡萄、三文魚籽、海膽豆腐、蟹柳、紫薯蓉等，層層一路食落去，口感特別，好出色。
丼瀛龍蝦刺身爆丼 —
果然係爆丼，大大隻龍蝦為主已相當吸引，除了鮮甜龍蝦肉，另一邊有多種刺身及溫泉蛋，一個多重享受嘅爆丼！
築地寿司杯 —
最後亦係一件藝術品上枱，六杯唔同刺身嘅寿司杯，從紫菜手卷食起，同樣每款刺身都好鮮甜，大大件口感非常，超級滿足！
第一次覓食在工廈，就食到咁高水準嘅「丼瀛」，仲有咁多種類料理未嚐，肯定好快再相約聚餐在「丼瀛」！😁
张贴
