Moreish & Malt (鴻圖道) (已結業)

唔係工作關係都好少會來觀塘區，現在觀塘工廈區多左好多餐廳，經過呢間餐廳門口，淨睇張相完全想像唔到我身處觀塘工廈區，見裝修環境都好ok，一於試下先。 餐廳好闊落，waiter亦十分親切，主動介紹餐廳招牌菜，其中介紹左呢款香港本地手工啤酒，我之前從未聽過都係第一次飲，麥味重，好香好純亦好易入口，以後如果見到呢隻鬼佬啤都要支持下自己香港人d生意先。 先來個吞拿魚沙律，沙律菜好新鮮爽脆，配埋自家製醬汁，酸酸甜甜好開胃。 主菜來啦，自家手打牛肉漢堡配新鮮炸起肥暑條，人手打的漢堡特別有口感，牛肉亦好新鮮，同埋非常厚身，配芝士蕃茄一齊，我打開最大個口都食唔到咁厚的漢堡，哈，太精彩！ 呢份steak and egg份量剛好，炒蛋非常滑，牛扒真係煎到五成熟，咬落滿口肉汁，牛肉非常鮮嫩，價錢仲要唔過$100，真係好睇好食又好抵。