米克.諾斯 (已結業)

呢一度雖然系工厦，但系卻內藏一間好餐廳。呢一度有三款dinner set，我同朋友就各自揀左一款。芒果牛油果蟹肉塔塔呢一個塔塔用上左意大利油醋汁，而芒果，牛油果同蟹肉三種材料合埋，配搭得非常好，酸酸甜甜咁作為沙律食非常開胃。愛琴海魚湯呢個湯係以鱸魚作為一個主角，雖然望上去湯份量比較少，但係材料非常豐富，好食又好飲。檳城喇沙虎蝦意大利飯因為有加到蕃茄所以令到飯嘅味道帶酸，所以會幾開胃。而虎蝦肉夠實同埋夠爽，非常好食呀！Dinner set B：香蒜豉椒保雲蘇焗加州鱸魚柳因為鱸魚柳有焗過，所以佢既面頭有少少脆，再配埋紫薯蓉，解膩又夠飽。Dinner set C：蘋果木煙燻日本活水性飼育黑豚配焦糖蘋果因為係燻既關係，熟嘅程度可以由自己決定，而且肉嘅口感超級地好：唔肥膩而啲筋位又有咬口。軟心朱古力蛋糕黑色既當然系黑朱古力，白色既就系之後最適合情人節既白朱古力蛋糕，兩種既甜度都一般，吾會食到膩既甜品先系好甜品。朱古力咖啡棉花糖咖啡仲有幾日就情人節，之後呢度會有情人節套餐。情人節既套餐應該會比今日呢一個豐富同浪漫吧。而且呢一度既環境亦都幾適合撐枱腳既。