山止川行 (已結業)

銅鑼灣新開川菜火鍋店，食川菜又得，食火鍋又得，多種食物選擇。以食川嚟講，成個環境都好唔錯，比人好舒適的感覺。鳳梨咕嚕肉 $158咕嚕肉好多地方都有，但要做到鬆脆口感，酸甜並重，呢度就真係做到。紅油蒜泥白肉 $108蒜辣的味道出色，肉片雖薄，仍有不錯的口感，中間的青瓜片帶來青爽的對比。酸菜桂花魚 $388大片又冇骨的桂花魚肉，配勁多芽菜酸菜，酸辣味刺激好食，一路食一路出吓汗，又唔會辣到食唔到。如果有得加個薯粉就錦上添花。黃金炸魚皮 $88好少就咁叫炸魚皮，多數打邊爐先想試，難得有食酸菜魚就試吓夾唔夾到。炸魚皮脆口又唔會太咸，吸晒酸菜魚湯的味道又幾過癮。椰子雞湯 $68椰子雞湯足料，味道鮮甜。紅糖流心糍粑 $58口感煙靭有彈性，中間的紅糖流心餡好吸引，香甜又滋味。