川滿居 (京都廣場)

营业中

休息中

每過一排就會crave酸菜魚，今次一於試下新嘅川菜。餐廳位於食肆林立嘅京都廣場，環境唔算大但有卡位，仲有得包房。呢度主打四川菜及京川菜，以多種香料製作水煮魚、招牌香鍋、烤魚等等菜式，全部都大件夾抵食。𖦹 金湯酸菜魚 ＄188手機落單嘅時候仲有好多選項可以自訂，由最普通嘅少辣少麻，去到少酸少油少鹹，甚至要濃啲爽啲都得。湯底偏酸，麻嘅感覺唔算突出；桂花魚片肉質厚實而無骨，配上薯粉、雜菇、萵筍等配料，非常足料。𖦹 水煮牛柏葉 ＄168份量極大，成窩嘢有超過二十塊牛柏葉，爽口惹味，加上蔬菜等配料，格外香口，同酸菜魚一樣有特製選項的！𖦹 清炒萵筍絲 ＄66平日食嘅蒿筍大多係片狀，今次切咗絲食落更爽口。𖦹 百香果檸檬茶 $36𖦹 柑桔檸檬茶 ＄28 茶底濃郁，加上百香果或者柑桔，感覺清新。