老川皇

营业中

休息中

今日同舊同事去咗旺角呢間老川皇食川式燒烤，呢到另外仲主打水煮魚同埋酸菜魚、夫妻肺片、辣子肥腸等等嘅菜式！首先食個冷盤口水雞先，呢個真係唔錯，集齊麻辣同埋鮮嫩喺到，雞嘅皮夠薄身，啲肉都好嫩口！兩個人食都叫咗好多款串燒，串燒可以揀辣嘅程度，不過就唔係一樣樣咁揀辣度嘅，係成張單一齊落，我哋揀咗少辣，串燒嘅味道大致上都係食到係孜然粉味，肉質都OK，唔會韌！估唔估到呢個係咩呢？？！ 其實係牛舌嚟，第一次見呢個切法，超厚切！真係要分幾啖食先得！呢個唔同平時食開嘅燒茄子，呢個係冇肉碎嘅，但佢好在燒得唔會太乾身，啲茄子肉濕濕哋、軟軟哋，加埋啲孜然粉，真係好惹味！