鐵魚川式食堂 (已結業)

難得約到好朋友，就佢在灣仔放工，於是等埋放工然後一齊行去銅鑼灣搵野食，大家都想打邊爐，無意間行到一座商業大廈，見到有間餐廳叫"鐵魚", 除左食烤魚之外，仲有得打邊爐，正合大家的意願，立即決定上去一試！來到門口，侍應立即安排了卡位俾我地，然後就遞了個大餐牌俾我，細心介紹左先要選一種魚，再揀一個湯底。由於朋友有點不舒服，所以最後揀了福壽魚（少骨），再加個唔辣既越式青檸湯底。等左大約十分鐘，整盤烤魚就送到，第一睇望到賣相好吸引，整條魚被個湯底浸住，我們正為條魚傷腦筋之際，侍應就過來幫我地拆開條魚，服務極好。條魚食落好滑，唔多骨，同時有少少青檸味，青檸味不多，沒有搶去魚的鮮味，加上配料如菇、菜一起食，又美味又滿足！魚就差不多食完，就到其他配料打邊爐時間，先來左一盤海鮮。海鮮種類都算多，有蠔、扇貝、蝦等等，見到隻蠔真的好大隻，差不多有成隻手掌咁大，蠔肉肥大又有海水味，是新鮮的材料！還有鮑魚都好新鮮，縮水情況較少。食完個海鮮盤都差不多飽左七八成，接著就食牛肉，是牛肉不是肥牛，是手切安格斯牛肉，沒有肥牛的肥膏，但有著牛肉的鮮味，也有容易融化的感覺。再睇餐牌發現還是聖子和白鱔片未叫，聖子沒有沙的，食時