川婆婆 (寶勒巷) (已結業)

今日放工後同兩位朋友嚟到尖沙咀川婆婆食麻辣火鍋，門面非常有氣派，離遠一眼就望到。我地步上一道富有中國特色嘅長樓梯，就到達位於二樓的餐館。重慶麻辣火鍋（大辣)$98湯底好夠味，入面超多辣椒，又麻又辣，淥野食都唔洗點豉油。最特別係個鍋竟然用籐籃加張紙，連鍋都唔需要洗，一絕！其實都有懷疑過張紙會唔會穿，但最後發現好穩陣，不用擔心。響鈴卷＄38用黎索湯汁，一流！豬三寶＄58豬腰、豬潤、豬大腸新鮮滑牛肉$88勁正，牛味重，肉質彈牙，推介！川婆婆招牌紅薯粉＄32薯粉粗身，喜歡其煙煙韌韌的口感，必點！三拼滑$78一次過試晒三種，包括鯪魚滑、墨魚滑、蝦滑，非常彈牙！油麥菜$38川香回鍋大腸$88大腸綿而不韌，薑蔥香味四溢，筍片尤其好吃。紅棗冰糖杞子茶叫番揸紅棗冰糖杞子茶降降火。食過不少麻辣火鍋，川婆婆算係質素唔錯嘅一間，湯底好夠味，配料都新鮮抵食，再加上地理位置方便，服務態度良好，絕對有下次！