川味港私房菜

营业中

休息中

今次嚟到觀塘試一間朋友介紹嘅出名私房菜，主打川菜，仲要曾經係蔡瀾推薦嘅一間餐廳，以前喺大角咀嘅舊店相當出名，個晚去食都見到有唔少老顧客專程去觀塘重溫佢地回憶既味道。果晚我哋係walk in 既，好彩前面嗰枱啱啱走咗，我哋即刻就有得入。老闆娘提醒我哋下次黎食最好book定枱，因為唔係次次都咁好彩架🤣餐廳本身有提供幾款套餐，啲海鮮套餐計番個價錢其實唔貴，不過嗰日淨係同男朋友兩個食，驚套餐份量太多，所以就冇試到～順帶一提，問過老闆娘如果套餐啲食物唔啱食既話，大家係可以轉做單點餐牌上嘅其他菜式㗎單點食物嘅選擇都有幾多，價錢亦算中規中矩！先叫左個我至愛嘅口水雞 唔係講笑嗰汁勁惹味，雞肉嘅口感亦恰到好處！不愧係呢度嘅招牌菜之一，推薦！之後就叫咗個水煮牛肉，因為男朋友食唔到好辣所以只係叫咗微辣，辣度唔高但係川菜獨有嘅麻香鮮味俱全，牛肉嘅份量一啲都唔少，如果其他配菜例如金菇都更多就perfect! 最後就叫咗個回鍋肉送飯，腩肉肥瘦層次分明，整體嘅調味唔錯，中規中矩之作。