好川好菜 (已結業)

好耐都冇食過四川菜，耐唔耐冇食川菜嘅話個口會好痕。梗係想食啲辣野過吓口癮。首先我一嚟到即刻叫咗個甜品，係酒釀丸子，以前喺上海成日都食，依家嘅味道唔算特別正宗不過掛住嘅話食落去都幾正。另外都叫咗兩個湯，一個係大力湯，一個係雞骨草。兩個湯都煲得唔錯，價錢只不過係$58一碗，用一中一中咁樣燈出嚟，有淡淡的藥材味我幾鍾意。另外超級值得推介嘅係佢哋嘅酸菜魚 ，可以揀桂花魚或者龍躉。鍾意食嫩啲嘅魚嘅我咁梗係揀咗酸菜魚桂花魚啦。酸菜同埋辣嘅味道啱啱好，唔會太酸亦都唔會太辣。$328大大份都幾抵食。