影片
更多
2018-09-16
960 浏览
係香港食Buffet，主題不外乎各國美食，又或是主打回本的海鮮菜色，大家似乎逃不出這個框框。 近日，香港仔L Hotel的 Lis Cafe 推出了四川菜作主題的Buffet，當中有不少辣菜色，雖然未必啱香港人口味，但未試過又點知呢？ 水煮牛肉辣度強勁，牛肉柔嫩，但味道好夾，正。 辣子雞夠乾身，辣味逼入雞肉中，略嫌雞肉有點結實 。 回鍋肉竟然加入了涼瓜，又吸引了五花腩的油香，又係食過不停。 酸菜魚魚肉保持嫩滑，酸酸地幾開胃。 口水雞雞肉本身柔嫩，沾上了辣汁就更惹味。 其實仲有蒜泥白肉。 紅油抄手指定時間限量推出，辣度不算勁，可以再辣D。 擔擔麵 好香花生味，麵條個人喜歡較硬身的，辣度不算勁，女仕們都易於接受。 辣椒雪糕有種冰火的感覺，先是入口冰涼，之後是一陣辛辣，非常過癮。 生蠔 愛爾蘭生蠔 即開貨色，蠔味不俗，邊位爽甜，不錯。 Seafood Station有藍貝、花蛤、蟹腳及冰島蝦，比較大路，幸好質素不錯，尤其是蟹腳鮮甜，可以一試。 刺身 有三文魚、希靈魚、鯛魚及玉子。 鐵板燒 有澳洲西冷
近日，香港仔L Hotel的 Lis Cafe 推出了四川菜作主題的Buffet，當中有不少辣菜色，雖然未必啱香港人口味，但未試過又點知呢？
水煮牛肉
辣度強勁，牛肉柔嫩，但味道好夾，正。
辣子雞
夠乾身，辣味逼入雞肉中，略嫌雞肉有點結實 。
回鍋肉
竟然加入了涼瓜，又吸引了五花腩的油香，又係食過不停。
酸菜魚
魚肉保持嫩滑，酸酸地幾開胃。
口水雞
雞肉本身柔嫩，沾上了辣汁就更惹味。
其實仲有蒜泥白肉。
紅油抄手
指定時間限量推出，辣度不算勁，可以再辣D。
擔擔麵
好香花生味，麵條個人喜歡較硬身的，辣度不算勁，女仕們都易於接受。
辣椒雪糕
有種冰火的感覺，先是入口冰涼，之後是一陣辛辣，非常過癮。
生蠔
愛爾蘭生蠔
即開貨色，蠔味不俗，邊位爽甜，不錯。
Seafood Station
有藍貝、花蛤、蟹腳及冰島蝦，比較大路，幸好質素不錯，尤其是蟹腳鮮甜，可以一試。
刺身
有三文魚、希靈魚、鯛魚及玉子。
鐵板燒
有澳洲西冷、雞扒及豬扒，由於是即叫即煎，並非一早煎好，可以要求幾成熟，所以出奇地好食，令人有驚喜，值得一試。
灼料吧
望落配料似用來配搭白粥，但用來淥麵都可以，湯底有豬骨及雞湯，不過不失。
天婦羅
有炸蝦及蕃薯，但近日喉嚨發炎，還是算了吧！
熱葷
一向有水準，尤其是蜜糖柚子骨，甜美有嚼口，淡淡的柚子香，減輕了油膩感。
很傳統的紅燒豆腐及豬手，最啱有老人家的顧客。
炸物
有香脆的春卷及咖喱角，小朋友恩物炸雞塊。
旁邊是燒得香口的泰式燒豬頸肉，超級大粒既甜咖哩長洲大魚蛋。
仲有日式和幸咖哩炸豬扒和咖哩牛肉，種類不算多，但幾啱胃口。
湯
花生眉豆雞腳煲肉排
夠火喉，湯料的味道完全溶入湯內，鮮甜味美，最啱屋企少湯水既朋友。
西湯是粟米忌廉湯，幾香滑。
至於雞粥是廣東開花粥底，幾綿下，但味道稍淡。
沙律
有紅橡葉菜、紅葉菜及薯仔沙律，如果想配搭自家口味，又有紅腰豆、木耳、甜粟米及車厘茄提供。
Cold Cut
有豬柳及挪威煙三文魚，個人較喜歡淡淡煙燻味的三文魚。
甜品
甜品區就係入門口位置，先食Movenpick士多啤梨雪糕就一定。
Tiramisu幾濕潤，質地鬆軟，不錯。
柚子蜜脆蛋散幾香甜，咬落酥化。
椰子菠蘿慕斯蛋糕甜美滑溜，好味。
另外，仲有Chocolate fountain、Apple Crumble Cake、Brownies、綠茶慕斯蛋糕、澳洲溫室青瓜豆奶布甸配薄荷（解辣）、黑糖桂花糕、熱情果蘆薈果凍、藍莓蒟蒻果凍、紐約芝士餅、焗麵包布甸、花生糊及砵仔糕。
飲品
提供橙汁、蘋果汁及Dilmah茶包，大人細路都啱，又無須另外加錢，幾好吖。
张贴
