珍一料理 (富榮大廈) (已結業)

放工收到電話要幫手買d.野返屋企加料， 我醒起路得圍新開左間 《珍一料理》，可以買d 涼拌菜式加餸。⚛ 五香三拼 ～ 牛筋凍 +腐竹+牛腱 ， 牛筋凍入口感覺似啫喱帶點彈牙唔錯，腐竹我不嬲喜歡唔多講，牛腱五香味濃。⚛ 麻辣3味 ～ 四喜烤麩 +辣滷金錢肚+辣拌牛柏葉，烤麩甜甜地謙謙幾喜歡，金錢肚牛柏葉辣得來爽口，送啤酒一流。⚛ 東坡肉 ～ 一口一件入口軟腍得來唔會鬆散，超好下飯的一道小菜。⚛ 椒麻手撕雞 ～ 老豆喜歡的口味加餸點可以唔買比佢食，椒麻味唔會過勁，麻香得來，小小辣味再後。 佢地每日新鮮調拌，係香港黃竹坑新店仲自設中央廚房，大家要加餸可以考慮。