影片
更多
2019-06-17
149 浏览
呢期酸菜魚咁hit,,其實唔止深圳有得食既，香港都有好正既川菜食!❤我覺得個地址唔算好易搵，係西營盤街市上多條街既斜路位，好在有兩個大燈籠做標記姐!坐底就覺得套餐具好靚!好古色古香，呢個位置如果外國人黎到都可以好好感受到中國文化!個menu有晒附圖同推薦菜嫁!但好多款睇到都超辣，所以我地就問左店員，佢話因為所有野即叫即整，所以都可以要求bb辣!食唔到太辣既就記住要講明啦！酸菜魚($168) ，d魚勁滑，冇骨，超好味，魚肉好鮮甜!我鍾意佢唔係一盤勁多辣椒個隻，所以並唔油膩。盤入面配埋入味粉絲!個湯都夠味，酸菜唔算好多，魚既份量就多呀！但辣味有少少蓋過左魚同菜既味!口水雞($78)，份量精緻，雞肉滑同幾嫩下，但呢款真係好麻辣，哈哈。我好鍾意咁稠既擔擔面($38)呀！花生醬同蔥味好濃，醬係底，面係面，然後自己撈!好正，好正宗!上完菜就送左兩碗桂花冰粉俾我地，好解辣，又係好正，滑嘟嘟既啫喱狀流落喉嚨，勁舒服!高質中菜!食得辣會食得更開心!
我覺得個地址唔算好易搵，係西營盤街市上多條街既斜路位，好在有兩個大燈籠做標記姐!
坐底就覺得套餐具好靚!好古色古香，呢個位置如果外國人黎到都可以好好感受到中國文化!
個menu有晒附圖同推薦菜嫁!但好多款睇到都超辣，所以我地就問左店員，佢話因為所有野即叫即整，所以都可以要求bb辣!食唔到太辣既就記住要講明啦！
酸菜魚($168) ，d魚勁滑，冇骨，超好味，魚肉好鮮甜!我鍾意佢唔係一盤勁多辣椒個隻，所以並唔油膩。盤入面配埋入味粉絲!
個湯都夠味，酸菜唔算好多，魚既份量就多呀！但辣味有少少蓋過左魚同菜既味!
口水雞($78)，份量精緻，雞肉滑同幾嫩下，但呢款真係好麻辣，哈哈。
我好鍾意咁稠既擔擔面($38)呀！花生醬同蔥味好濃，醬係底，面係面，然後自己撈!好正，好正宗!
上完菜就送左兩碗桂花冰粉俾我地，好解辣，又係好正，滑嘟嘟既啫喱狀流落喉嚨，勁舒服!
高質中菜!食得辣會食得更開心!
张贴
