影片
更多
2022-08-26
2754 浏览
香港人大家都出唔到國，以前老婆每年生日，我都會同佢去日本、泰國興生。今年又滯留😔，唯有揾個有偽出國feel嘅地方~赤柱，訂咗2日1夜嘅Stanley Oriental Hotel嘅staycation外，今日嚟咗我地第一次約會嘅地方，美利樓Ocean Rock Seafood & Tapas。我地當年食飯時係另一間餐廳Mijas Spanish Restaurant，明明喺openrice上見到結業，心灰咗……但又見到有間同一位置又係西班牙菜嘅？唔想諗咁多，訂枱時有問餐廳，原來係幾年前轉咗名，但廚師都是同一班。老婆今年生日正係農曆七月十四……哈哈，人唔太多唔通大家都唔敢出夜街？訂枱時唔知係咪因為有同餐廳講係同太太興祝生日並講過話我地第一次約會都喺呢度，佢地安排咗張最靚景嘅枱比我地，仲整到好靚好有心思，抵讚。原來而家露台係pet friendly所以我見到有啲客會帶埋狗狗嚟，下次我都帶埋小虎出嚟先。Menu同印象中以前都幾唔同，無咗啲傳統西班牙食物，乳豬、盬燒魚都無咗……但多咗好多款式同好吸引嘅冰鎮海鮮拼盤，好多嘢真係好難揀……侍應建議飲杯嘢慢慢坐吓先，原來星期一至五有happy hou
我地當年食飯時係另一間餐廳Mijas Spanish Restaurant，明明喺openrice上見到結業，心灰咗……但又見到有間同一位置又係西班牙菜嘅？唔想諗咁多，訂枱時有問餐廳，原來係幾年前轉咗名，但廚師都是同一班。
老婆今年生日正係農曆七月十四……哈哈，人唔太多唔通大家都唔敢出夜街？訂枱時唔知係咪因為有同餐廳講係同太太興祝生日並講過話我地第一次約會都喺呢度，佢地安排咗張最靚景嘅枱比我地，仲整到好靚好有心思，抵讚。原來而家露台係pet friendly所以我見到有啲客會帶埋狗狗嚟，下次我都帶埋小虎出嚟先。
Menu同印象中以前都幾唔同，無咗啲傳統西班牙食物，乳豬、盬燒魚都無咗……但多咗好多款式同好吸引嘅冰鎮海鮮拼盤，好多嘢真係好難揀……
侍應建議飲杯嘢慢慢坐吓先，原來星期一至五有happy hour飲品有8折，都好吖。又比埋蚊怕水，話呢個鐘數比較多蚊😆咁熱梗係叫杯啤酒chill吓先，老婆話要靚又唔甜又要少少酒，就叫咗purple rain，嘩，真係幾靚，後來同侍應傾吓，原來啲飲品都係佢地自己諗，呢杯仲要係佢地自己用胡蝶豆花泡製嘅gin酒，不過飲落似gin味lime soda清清地。
選擇困難症下，我地都係揀咗佢地嘅Signature Dinner Set ForTwo $1388。老婆生日咪食好啲囉。
先係冰鎮海鮮拼盤，有4隻澳洲生，牡丹蝦、波士頓龍蝦、海螺、大蜆、帶子。仲有一set五個汁，其中泰式辣汁真係勁似以前去bkk食燒蝦配果個風味！生新鮮又幾甜，雖然唔大隻，加埋爆膏龍蝦已好滿足，淨係食呢盤都已經幾抵，因為見佢散叫嘅細海鮮拼盤都成千零蚊。
跟住有西班牙頭盤3樣小食，西班牙奄烈、蒜片炸蝦同鵝肝醬多士。老婆勁鍾意個鵝肝醬，話好香好滑，佢開心就好。
龍蝦波菜湯，呢個係以前我地嚟嘅時候都有叫嘅湯！咁啱可以重温。雖然綠色好怪，其實幾好味，而且就完全無草青味同反而無出面嘅龍蝦湯有時會濃到啦喉……
主菜原來係兩位share一樣，最初仲諗攪錯邊夠食，但原來係啱啱好，細食可能都食唔完。我地揀咗medium rare嘅12oz美國肉眼牛扒(唔記得影添……)肉味夠濃嘅，有炭燒香味道，唔錯。要彈係唯一係薯條普通咗啲食到差不多8pm，月亮竟然喺赤柱果邊升起，嘩！我地都未試過咁近距離見到月圓，手機唔係最新果啲影唔到肉眼見嘅咁動人！尤其係月光反影喺海上嘅光真係好靚，出唔到門，都叫做揾到個特別啲嘅地方過老婆生日都幾難忘。
甜品係芝士蛋糕同焦糖燉蛋，我唔多食甜品，但老婆就話好食，燉蛋有粒粒黑色嘢，老婆話係靚嘢先用雲尼嗱子做。碟上廚師寫得好靚，真係唔該晒。
整個晚餐相對散叫都幾抵食，加上服務都唔錯，重點係能夠令老婆happy再回味8年前嘅第一次約會，哈哈。
~~~~~~~~~~~~~~~~~~~~~~~~~~~嵐石 - 海鮮&牛扒餐廳 赤柱美利樓1樓102號舖
推介菜式：冰鎮海鮮拼盤、焦糖燉蛋、美國肉眼牛扒
👍🏻環境舒服
👍🏻食物高級
👍🏻情調一流
张贴
