一寿司 (已結業)

有朋友介紹，於是同愛吃日本野的男朋友去食。大魚缸裝修令人感覺好搶，而且d位都幾舒服。食物唔算好特別(除左一連串和牛壽司之外，其餘都係差不多)，價錢一般。食左覺得好味的係白鳥貝，幾爽口。其餘的都不過不失囉~話明峰迴路轉，所講的就是service。銅鑼灣+連鎖式食肆通常都唔錯，果日由入去坐開始，service都唔錯；食左一陣，突然有黑社會式的謾罵聲音，仲以為殺到黎。原本係一個較senior的waiter鬧個細的waitress，中間夾住一連串的粗口，而佢鬧人的時候，係0係門口附近，夾住幾枱客……真係好想錄起拎去投訴……識唔識尊重同事尊重客人﹖最離譜的係一壽司事後仿傚政府處理示威的方法，突然播左d好大聲的音樂，令全場啞然……總的來說，一般過一般的素質，好過元氣但我寧願去板前同活壽司，又或者貴dd去峰壽司，同埋我唔會再去囉~