Verde MAR (已結業)

西環有間好得意嘅餐廳充滿樹懶同仙人掌嘅裝飾，襯返墨西哥feel得黎仲有啲童真feel眼見餐廳主要由兩位外國廚師打理，環境都非常企理！呢間店對比其他墨西哥餐廳有更多款式嘅墨西哥野食揀，顯得更地道另外見到餐牌好多牛油果配搭嘅野食，覺得好岩牛油角控黎，仲有啲好特別嘅仙人掌items tim🌵即整嘅Quesdilla🌮微熱微脆而且香噴噴，裏面包左烤魚/雞，同埋生菜蕃茄牛油果洋蔥，簡單輕盈得黎又勁滋味第二款包涵牛油果嘅菜式有fish ceviche, 呢個有啲似平時西餐嘅tartare咁，唔肯定係咪同一樣野，但我肯定嘅係呢款又係達到我地嘅預期另外特別一提採用嘅魚刺身好鮮甜呀！！！birria beef stew係我第一次喺墨西哥餐廳食到嘅菜式，個配搭有少少似印度野食naan咁，但係食完之後我覺得呢個仲好食過印度菜囉首先係tortillas比較唔油，輕盈健康，二黎係個慢煮牛勁冧勁入味喎，而重點個sauce好香好香，少少帶甜，言語形容唔到嘅好食呀！！Horchata係我以前返過墨西哥餐廳嘅回憶黎，又甜又有玉桂香嘅味道，細個勁鍾意飲，而家飲返原來依然勁鍾意，非常滿意嘅一餐呀😚