影片
更多
2017-06-11
56 浏览
有時候情嘅嘢除左同男朋友之外，同朋友都可以好長情。大家好多年冇見，又唔係話成日聯絡，但係總有一日會有人約出嚟，令到成班同事都可以再聚食一餐飯，其實咁樣都唔錯呀。佢呢一度嘅地方都幾大，除咗有二至三人枱之外，仲會有大枱，比一班三五知己去食飯就啱啱好，又唔怕會逼。呢度嘅餐除咗西餐之外，仲會有d其他國家嘅原素，例如馬來西亞風味，韓國風味。我特別想提下佢呢一度嘅馬來西亞咖哩牛腩飯。個飯係用鐵板上嘅，仲附有兩種醬汁，一種就係馬來西亞嘅咖喱汁，另外一款甜甜地嘅，嗰陣味道都幾特別。提提大家要趁個鐵板仲熱辣辣嗰陣時候就倒d汁落去，炸一聲等落去就最好啦。佢呢一個飯可以跟餐，只需要加＄25。可以選包或者湯，今次我就揀咗湯，今日就係意大利雜菜湯。另外佢呢一個一口牛加韓國泡菜都幾特別，牛已經本身有佢嘅味道喺度，再加埋辣辣地酸酸地嘅泡菜一齊食，就更加提升咗佢嘅層次。仲要推嘅就係呢一個法式海龍王湯， 佢可以揀原條嘅東星班又或者海鮮。雖然東星班可能會特別啲，但係我又貪海鮮嘅種類多，所以就選左海鮮，入面會有青口，鮮蝦，魷魚同埋魚肉，非常之豐富。而個湯真係十分之濃郁，好有龍蝦嘅味道，但係如果淨係用龍蝦又整唔出甘正嘅味道，
佢呢一度嘅地方都幾大，除咗有二至三人枱之外，仲會有大枱，比一班三五知己去食飯就啱啱好，又唔怕會逼。
呢度嘅餐除咗西餐之外，仲會有d其他國家嘅原素，例如馬來西亞風味，韓國風味。我特別想提下佢呢一度嘅馬來西亞咖哩牛腩飯。
個飯係用鐵板上嘅，仲附有兩種醬汁，一種就係馬來西亞嘅咖喱汁，另外一款甜甜地嘅，嗰陣味道都幾特別。提提大家要趁個鐵板仲熱辣辣嗰陣時候就倒d汁落去，炸一聲等落去就最好啦。
佢呢一個飯可以跟餐，只需要加＄25。可以選包或者湯，今次我就揀咗湯，今日就係意大利雜菜湯。
另外佢呢一個一口牛加韓國泡菜都幾特別，牛已經本身有佢嘅味道喺度，再加埋辣辣地酸酸地嘅泡菜一齊食，就更加提升咗佢嘅層次。
仲要推嘅就係呢一個法式海龍王湯， 佢可以揀原條嘅東星班又或者海鮮。雖然東星班可能會特別啲，但係我又貪海鮮嘅種類多，所以就選左海鮮，入面會有青口，鮮蝦，魷魚同埋魚肉，非常之豐富。
而個湯真係十分之濃郁，好有龍蝦嘅味道，但係如果淨係用龍蝦又整唔出甘正嘅味道，應該係有加埋其他材料一齊用心煮制。
仲要再提一提個甜品，因為已經食咗好多野，所以唔係食到咁多。但係又唔可以唔食，拒係一個好特別的甜品，個樣都好靚，入口感有少少似雪芭，有香忌廉味，入口即溶，感覺好好。
賣單一個人先至二百幾蚊，如果一大班朋友來食，呢個價錢其實好相宜。而且又可以食到好多唔同嘅嘢，啱晒一大班人嚟食。
张贴
