影片
更多
2018-01-23
1663 浏览
在北角收工，行行吓去咗鰂魚涌，聽朋友講有間居酒屋傾計一流，地點唔算難搵，地鐵站出咗1分鐘就到。外面落住毛毛雨，凍凍地，好彩入到去見到仲有一張枱。環境唔算好大，但勝在好有feel，的確啱晒朋友們飲酒暢談的好地方。店舖內的裝修又幾有特色，有好多不同的經典漫畫人物做background，喚起左一些兒時回憶～一坐低便馬上點食物。我們都主要以串燒為主，香口之餘，能在這個秋冬天吃，份外窩心。燒魷魚未食已經聞到香味，本身以為燒魷魚會好乾。上碟時配以沙律醬，覺得魷魚好鮮甜，不過有少少薄，份量不大，切開around 6-7片。習慣出街食飯都要食少少澱粉質落肚，order咗一個稻庭烏冬，是正常日本冷藏烏冬的口感，就算煮耐左都唔會腍，好滑同埋彈牙。烏冬湯底呈乳白色的，較為清淡，配上爽彈烏冬，很清新。銀鱈魚口感嫩滑，又無骨，表皮香脆，連埋串燒汁一齊食，好香甜。可惜只有一小舊，梗係再encore啦😬汁燒日本帆立貝，醬汁滲入帆立貝之中，很入味。帆立貝新鮮，夠彈牙，更帶有些少鮮甜味，入口有嚼勁，味道不錯！燒鯖魚，外皮燒得很脆，有淡淡鯖魚香，是日本必食小食之一！見到串燒紙有一項叫雞皮蝦，個名好趣緻，可能因為即叫即燒的
外面落住毛毛雨，凍凍地，好彩入到去見到仲有一張枱。
環境唔算好大，但勝在好有feel，的確啱晒朋友們飲酒暢談的好地方。店舖內的裝修又幾有特色，有好多不同的經典漫畫人物做background，喚起左一些兒時回憶～
一坐低便馬上點食物。我們都主要以串燒為主，香口之餘，能在這個秋冬天吃，份外窩心。
燒魷魚未食已經聞到香味，本身以為燒魷魚會好乾。上碟時配以沙律醬，覺得魷魚好鮮甜，不過有少少薄，份量不大，切開around 6-7片。
習慣出街食飯都要食少少澱粉質落肚，order咗一個稻庭烏冬，是正常日本冷藏烏冬的口感，就算煮耐左都唔會腍，好滑同埋彈牙。烏冬湯底呈乳白色的，較為清淡，配上爽彈烏冬，很清新。
銀鱈魚口感嫩滑，又無骨，表皮香脆，連埋串燒汁一齊食，好香甜。可惜只有一小舊，梗係再encore啦😬
汁燒日本帆立貝，醬汁滲入帆立貝之中，很入味。帆立貝新鮮，夠彈牙，更帶有些少鮮甜味，入口有嚼勁，味道不錯！
燒鯖魚，外皮燒得很脆，有淡淡鯖魚香，是日本必食小食之一！
見到串燒紙有一項叫雞皮蝦，個名好趣緻，可能因為即叫即燒的原因，呢個等得比較耐。這個係用好薄的雞皮包住隻蝦，真係第一次試，隻蝦好新鮮，唔係雪藏得「淋吱吱」的口感，雞皮都燒得好脆，連蝦殻食埋都okay wor~
明太子雞翼較為乾身，但隻雞翼燒得好脆，亦都好入味，配清酒就一流啦！咁岩有清酒promo，每位$108就可以任飲，又可以坐得耐，性價比超高！
去到我最鐘意的蒲燒鰻魚～單價比較貴，大概是三小舊，同平時出去食一樣份量不多，但係好惹味，好想連d汁都撈埋飯食😂
今天我和朋友兩個的確暢談了一晚，喝着清酒，點上一兩串串燒，這不一定只是男人的天堂。
张贴
