八居酒屋 (天文臺道) (已結業)

今日係朋友生日既大日子，佢今日就二十歳生日啦，梗係要搵返好嘅餐廳同佢食啦。佢同我一樣好鍾意食日本嘢，不過最近佢唔係好適合食魚生，我就揀間日式串燒店同佢試下。呢間串燒店喇好耐之前已經食過，質素唔錯架，所以我今日就帶佢嚟試。原本隔籬間餐廳係食西班牙嘢，估唔到已經執咗笠，換咗間港式火鍋，但而間餐廳依然屹立不倒，你就知佢幾有質素啦。芝士蕃茄豚肉卷 $32黎得串燒店，叫返567條串燒係必備嘅。芝士蕃茄豚肉卷係服務員推介，上面放左一大片芝士，感覺上好邪惡，而且仲有番茄喺入邊，一咬，肉汁爆曬出嚟。日式芝士年糕 $58去日本鋪頭，我不嬲鍾意食芝士年糕。呢度嘅芝士年糕一共有三件，預先切好咗一半，入邊嘅芝士溶咗出嚟，好柔軟好味道。黑蒜油豚肉豬骨湯拉麵 $78雖然食串燒食左大量既肉，但係主食係必備嘅。依個豬骨湯拉麵，估唔到味道好好喎。豬骨湯味道好濃，而且黑蒜油好夾，豬肉叉燒比想像中更加柔軟同入味，同一般嘅拉麵舖有得比喎。