天然豚骨拉麵專門店一蘭

今日同女朋友去香港旅行，鐘意食拉麵既我，當然唔會放過依間咁出名既一蘭拉麵店啦，由於我地晨咁早就去，加上又有少少雨，排隊人數相對黎講十分少，十隻手指數得晒，都竟然都要等左20分鐘，排左20分鐘終於到我地入去，入到去以為有得食，點知仲要繼續排，分別係開始有店員招呼你，俾張紙你開始畫食咩拉麵。

入到店內，就可以開始劃定食咩野

其實張拉麵紙，你會好快劃好，因為得一種拉麵，按自己鐘意麵條既軟硬程度，食辣程度自行DIY，我係鐘意食超軟麵質既人，所以先試下劃軟麵。我女朋友就試辣。

每人一張點拉麵單，可以隨時加單

有凍水供應，每人一個

入面係BAR台式既設計，如果係一家大細，我諗要等好耐位，我地背包族，唯有張背包放旅係地下，我地2個人，還算可以。

天然豚骨拉麵

紫菜會溶化入湯底內哦XD

講番個拉麵，當拉麵上枱果陣，其實賣相真係好一般，但食落又係另一會事，依碗拉麵係香港食過咁多拉麵店入面我認為係最好食既一間，食完之後有一食再食的沖動，湯底濃郁鮮甜，可能係BAR台設計既關係，你唔需要理會咩食姿，可以盡情大啖大啖咁品嘗。
麵條係
我最鐘意既幼麵，蛋是溏心蛋，我敢保證絕對是溏心，因為我之後追加二隻，二隻都是溏心。

加麵底 － 伙計！我要超軟

加麵底

好快就食到就黎見底，按佢指示，放個加底牌上去個鐘到，隨即聽到悅耳既鈴聲。由於啱啱食既係軟，今次就試下個超軟。而超軟係林到用舌頭輕輕一壓，就化開的那種，幾得意。

我認為食拉麵連湯飲到見底，是對拉麵及師傅的一種尊重吧，不過依碗拉麵既湯底實在是過份好美了吧。

食完之後，只要攞番係你張枱既點麵單，去門口結帳就可以了，總結黎講，依間拉麵店絕對值得排長龍去嘗試既拉麵店。