山頭火 (已結業)

呢間日本餐廳既位置都算幾「隔sip」，要去到新城市廣場最頂個層！一開始見到間野，同朋友研究左好耐，到底係叫「山頭火」定「火頭山」呢。之後入到去餐廳見到餐牌先知道前者係岩既😂😂呢間餐廳既野食都算幾貴，雖然味道幾好，但份量太細，唔太抵食！但我好想推薦我食既個個套餐：燒三文魚拉麵定食！佢有兩大塊炸三文魚，一碗拉麵再加一碗白飯。炸三文魚非常脆口，咬落去仲有三文魚油流出黎，一級棒！拉麵既湯底有4款，我就揀左鹽味湯底。湯底味道濃郁，拉麵軟硬度適中！至於碗白飯，我建議可以將拉麵既湯倒落去，變成湯飯，味道一流架！（雖然我唔清楚係咪咁食，但錯有錯著架！）而我朋友仔就叫左個三文魚子拉麵定食。個人認為三文魚子味道較腥，唔太鐘意呢隻味道。但拉麵既水準一致，非常好味！有機會大家都可以去試下，雖然係貴左少少，但間唔中去食都係一種享受！