麵麵俱到 (已結業)

山東魯肉麵湯底夠色，但味道相當普通，伴有酸菜而且唔油膩，山東魯肉係厚切五層肉，視覺上彷似扣肉，煮得啱啱好，表皮同脂肪入口即溶，瘦肉部分唔會太鞋而且夠入味，麵係最出色部分，唔帶鹼水味而且好夠煙韌，口感甚佳。炸豬扒擔擔麵，分開上炸豬扒唔會浸淋，炸豬扒明顯食到鬆肉粉味而且偏鹹，但炸得夠脆口而且保留到肉質纖維，麵底就同山東魯肉麵一樣，擔擔湯底帶花生味但唔濃厚，而且偏辣無肉碎舖頭唔大但係乾淨整齊，有檸檬暖水供應，非常貼心，檯面有辣椒油，夠辣而且有中式香料味，混合湯底會更好食