影片
更多
2018-09-27
36 浏览
唔行唔知，原來旺角開左個新商場叫TOP，地鐵仲特別為佢開左多一個新出口! 因為知道有monchichi主題，專程同朋友黎試下呢間山下菓子，聽到佢名既時候以為佢係一間專做日式甜品既餐廳，但原來都有正餐。餐廳既裝修擺設真係全部monchichi，而且仲有精品專賣區Lunch menu都幾抵食，而且竟然做到3點，太好了吧!? Lunch menu都係西日各半，同朋友揀左意粉同蛋包飯share，仲要左明太子雞翼蟹餅奇異果益力多沙冰沙冰好大杯，飲落都係益力多味為主，奇異果味一般，甜得黎微微帶酸食物都好快送到，意粉份量都幾多，仲有六隻蝦! 睇粗幼，意粉應該係3號，食落軟硬適中，而且夠乾身，汁同意粉比例岩岩好，肉醬都好香。蝦最驚喜，又爽又大隻，而且味道幾好，無雪味。咖哩蛋包飯，見佢仲有蛋漿係面已經流哂口水! 半生熟既質感永遠最好食! 咖哩係日式咖哩，帶甜，加埋蛋一齊配飯食，非常開胃。比較特別少少，佢加左忌廉落咖哩，多左一陣忌廉既香，整個配搭唔錯!明太子雞翼脹卜卜，大大啖咬落去超好味! 吠開仲見到佢入邊塞到滿一滿既材料，正!忌廉蟹餅真係好忌廉，睇外表炸得好挺身，但咬落其實非常軟滑，真係炸得外脆內軟，但
因為知道有monchichi主題，專程同朋友黎試下呢間山下菓子，聽到佢名既時候以為佢係一間專做日式甜品既餐廳，但原來都有正餐。
餐廳既裝修擺設真係全部monchichi，而且仲有精品專賣區
Lunch menu都幾抵食，而且竟然做到3點，太好了吧!? Lunch menu都係西日各半，同朋友揀左意粉同蛋包飯share，仲要左明太子雞翼蟹餅
奇異果益力多沙冰沙冰好大杯，飲落都係益力多味為主，奇異果味一般，甜得黎微微帶酸
食物都好快送到，
意粉份量都幾多，仲有六隻蝦! 睇粗幼，意粉應該係3號，食落軟硬適中，而且夠乾身，汁同意粉比例岩岩好，肉醬都好香。蝦最驚喜，又爽又大隻，而且味道幾好，無雪味。
咖哩蛋包飯，見佢仲有蛋漿係面已經流哂口水! 半生熟既質感永遠最好食! 咖哩係日式咖哩，帶甜，加埋蛋一齊配飯食，非常開胃。比較特別少少，佢加左忌廉落咖哩，多左一陣忌廉既香，整個配搭唔錯!
明太子雞翼脹卜卜，大大啖咬落去超好味! 吠開仲見到佢入邊塞到滿一滿既材料，正!
忌廉蟹餅真係好忌廉，睇外表炸得好挺身，但咬落其實非常軟滑，真係炸得外脆內軟，但蟹味一般，反而忌廉同鮮奶既味較突出~
水果千層蛋糕每款蛋糕都會畫一隻monchichi，真係好有心機!千層蛋糕比較普通，係pancake皮放上cream同生果，然後一層一層疊上去。味道正正常常，唔太特別
青森蘋果批蘋果用糖漿煮腍煮香，再用餅皮包好，放入焗爐再焗。出黎既效果外脆內嫩，蘋果既大小切得適中，食落超好味，加埋香脆既餅皮，令人愈食愈想食! 推介!
张贴
