當晚安排左窗邊卡位比我地，枱同櫈都夠曬空間，坐的舒服，裝修簡約，環境優美，餐具乾淨。
乾煸肥腸
夠曬乾身，幾個朋友都好欣賞，我就覺得有少少怪味，唔係唔新鮮，似草青味，應該係香料發出來。
酸辣土豆絲
好爽口，麻香開胃，仲有蒜味，每條粗幼一樣，好想知道係人手刀切定機器切
鮑魚
稍為咸左少少，都幾大隻，夠爽口彈牙
乾煸四季豆
份量好多，好爽脆，好惹味
話梅骨
全晚最鍾意呢個餸，除咗有話梅仲有楊梅，味道好夾，酸酸甜甜，好開胃
酸菜魚
侍應姐姐建議我地趁熱飲咗湯先，魚片夠晒滑，美中不足有幾片比較腥
湯底唔錯，入邊有薯粉，少少茶樹菇，炸蒜有畫龍點精之效
我地仲叫左紅糖糍粑，好好食
唔記得影相好煙韌，個汁好好味呀
耐唔耐食好味嘅辣野真係令人開心，最重要係唔好太口渴，呢間可以再來，下次要試中辣先得
