影片
更多
2025-06-09
0 浏览
屯馬綫開咗咁耐以來都未去過土瓜灣，今日終於扚起心肝去呢間Cafe試吓！推介佢哋嘅Lunch set :主菜+黑咖啡/伯爵茶 $88起，連埋加一100有找💗前菜(Lunch Set+$18)餐湯/沙津二選一我揀咗餐湯🥄今日係蘑菇忌廉湯飲落去都好濃厚有蘑菇粒，唔會水汪汪好稀而且份量都大，可以兩個人一齊share💗主菜$88慢煮手撕豬腩肉窩夫三文治🥪窩夫金黃香脆，外層微甜又帶鬆化感，咬落去外脆內軟，真係一個完美的三文治外殼！主角慢煮手撕豬腩肉肉質軟嫩得不得了，肥瘦適中，醬汁帶酸調得啱啱好，咁樣就唔會食到好漏，每一啖都係滿滿的滿足感！仲有，夾雜的生菜同番茄好新鮮，爽脆既口感平衡咗豬腩肉的濃郁！溫馨提示要快啲食，因為底層個窩夫有機會焗得來會變冧咗💗餐飲Cappuccino☕️（+$12）泡沫非常濃密，飲到底都會仲有唔會好似平時有啲Cafe得面頭嗰少少。另外咖啡都好濃唔會好淡，咖啡人士非常適合！單點小食黑蒜醬炸薯條🍟$88未見過份量咁大嘅炸薯條，送到上嚟嗰陣眼都凸埋😂除咗蒜之外裏面仲有松露，面頭仲有芝士粉，食落唔會好鹹，但係好重味💗薯條佢哋外層比平時出邊食嗰啲會更加堅硬鬆脆！就算撈咗咁多醬食落個口感
屯馬綫開咗咁耐以來都未去過土瓜灣，今日終於扚起心肝去呢間Cafe試吓！
推介佢哋嘅Lunch set :
主菜+黑咖啡/伯爵茶 $88起，連埋加一100有找💗
前菜(Lunch Set+$18)
餐湯/沙津二選一
我揀咗餐湯🥄
今日係蘑菇忌廉湯飲落去都好濃厚有蘑菇粒，唔會水汪汪好稀
而且份量都大，可以兩個人一齊share💗
主菜$88
慢煮手撕豬腩肉窩夫三文治🥪
窩夫金黃香脆，外層微甜又帶鬆化感，咬落去外脆內軟，真係一個完美的三文治外殼！
主角慢煮手撕豬腩肉肉質軟嫩得不得了，肥瘦適中，醬汁帶酸調得啱啱好，咁樣就唔會食到好漏，每一啖都係滿滿的滿足感！
仲有，夾雜的生菜同番茄好新鮮，爽脆既口感平衡咗豬腩肉的濃郁！
溫馨提示要快啲食，因為底層個窩夫有機會焗得來會變冧咗💗
餐飲
Cappuccino☕️（+$12）
泡沫非常濃密，飲到底都會仲有唔會好似平時有啲Cafe得面頭嗰少少。另外咖啡都好濃唔會好淡，咖啡人士非常適合！
單點
小食
黑蒜醬炸薯條🍟$88
未見過份量咁大嘅炸薯條，送到上嚟嗰陣眼都凸埋😂
除咗蒜之外裏面仲有松露，面頭仲有芝士粉，食落唔會好鹹，但係好重味💗
薯條佢哋外層比平時出邊食嗰啲會更加堅硬鬆脆！
就算撈咗咁多醬食落個口感都係外脆內軟，放咗一段時間都唔會淋晒呢個值得加分💯
主食
蒜香四川醬大蝦炒意粉🌶️$138
意粉煮得啱啱好唔會太腍唔會太硬，掛滿咗嗰個四川醬，辣中帶小小麻，好易入口唔會超級辣，仲有陣陣蒜香撲鼻，鍾意食濃味意粉嘅朋友仔必試啊！
甜品
咖啡拖肥榛子朱古力千層酥配香草雪糕🍨$88
甜品佢哋有窩夫、pancake同埋千層酥，因為太飽，但係又想試吓，所以嗌咗千層酥
千層酥奶香味比較較重，好酥脆。
而入邊嘅醬就係咖啡帶有少少酒味，可以平衡返千層酥嘅奶味食落去一啲都唔漏！
一啖雪糕一啖千層酥食落去啱啱好可以balance返💗
飲品
Cold Brew Coffee☕️ $58
飲落好順口，唔會苦澀，適合想試吓冇奶咖啡嘅朋友仔！
最出色嘅就係佢哋係用不鏽鋼冰磚！
咁樣就keep到啲嘢凍之餘唔會影響到佢哋本來嘅味道！
- 跟main course送熱黑咖啡或Earl Grey Tea（其他飲品可補差價）
- 可加購 是日餐湯 ($18) 及 是日甜品 ($25)
- Lunch set印花卡：儲滿六個印花即隔日可享免費 Lunch Set 一份及附送黑咖啡
张贴
