星小宴

营业中

休息中

屯門黃金海岸酒店係一個深受大家歡迎嘅Staycaion旅程，真係好有度假feel㗎！想將渡假嘅感覺level up？喺屯門黃金海岸嘅商場，就有間食串燒放題嘅星小宴，坐喺海旁邊嘆串燒，真係好寫意！基於店內唔准點火，所以食串燒就必須坐室外。雖然室外比較多蚊蟲，但對住海景食又真係別有一番風味，而且每張檯都有一定嘅距離，空間感十足，不論二人世界定家庭聚會都一樣咁適合，不過想黎試嘅朋友就記得帶定蚊怕水傍身喇！串燒放題串燒嘅選擇大部分都係肉類，例如豬、牛、羊、雞，比較特別仲有羊內臟同雞皮，每串嘅份量唔多，好處係可以試齊唔同嘅嘢食，唔使驚份量太多而食唔晒。但大食嘅朋友，可能就要嗌多幾串喇。相反，蔬菜每串嘅份量比較多，選擇亦都唔少，用嚟中和肉類嘅油膩感一流。而串燒可以根據自己嘅口味去落調味料，店舖提供左五款調味料，有鼓油、辣粉、海鹽、醋同孜然粉。食住串燒嘆住啤酒真係勁chill，不過啤酒就要另外加錢先可以任飲，想試嘅朋友要留意番喇！