雲貴風正宗雲南米線 (已結業)

好耐之前食過屯門店，覺得重口味米線岩我~~知道元朗都有分店，於是好奇一試。探熱後就入內坐低睇餐牌。餸既選擇好多，餐牌清晰易睇。野飲選擇亦多。而且都好特別。放飯時間一點左右，店內一半滿座，空間舒適，唔會逼狹。點左豬手腩肉小鍋米線，$46。豬手兩塊，腩肉一堆，份量OK，個湯底望落好濃，其實食落，覺得唔夠酸唔夠辣，微微淡左少少。湯底既肉碎都幾多，仲有些酸菜，韭菜。豬手$7同辣腩肉$8都有預先滷好炒香，係唔錯！辣腩肉唔算辣。豬手軟嫰易咬，入味。腩肉少少肥夠味，係滿意既。米線質地爽滑都唔錯。係湯底唔太夠酸辣。枱頭有醋可以自己加，但無辣椒醬另外筷子五顏六色，繽紛吸引，好特別。環境係木頭枱椅，視覺上好舒服、放鬆。整體，覺得係幾唔錯。落單快出餐快。