影片
更多
2020-03-20
430 浏览
Kaleido Coffee，呢間位於屯門既咖啡店，走既係簡約日本風，雖然望上去同周邊店鋪有啲格格不入，但反而突出左佢既存在。鋪頭門口好精細咁設計過，不同於其他一般店鋪，無刺眼既霓虹燈，反而簡簡單單，望落好舒服。門口A字牌都係全手寫，好有心機。鋪頭入面唔算好大，但設計上啲枱櫈又唔會放到好逼，坐得好鬆動。入面都係以白色為主，比人好精神、清新既感覺。Menu都係手寫、手畫，又真係畫得幾靚。咖啡選擇都多，雖然我唔係咖啡迷，唔係好熟啲咖啡，但老細都好細心同有耐性咁逐一介紹。最後我地2個人，點左2杯咖啡同2份野食。呢個muffin好高質，上面好多朱古力，面頭焗到好脆，但入面都仲係好鬆軟，咬落去成個口都被好濃郁既朱古力味充滿，仲要有流心朱古力係中間，高質！其次係呢個雞批，同樣焗到好脆身，入面既磨菇同雞肉味好突出，同啲老式茶記既雞批有得揮，唔知點解有啲懷念既味道。主角黎啦！呢個就係老細介紹既filter coffee，係用印尼咖啡豆即場製成，等既可以都見到咖啡師既專業、專心製作，絕對無花無假。平時飲開茶記咖啡既我，一飲就飲得出個分別。聞落同入口有啲酸味、果香，好有層次，唔似得平時飲既得個苦字。呢到
鋪頭門口好精細咁設計過，不同於其他一般店鋪，無刺眼既霓虹燈，反而簡簡單單，望落好舒服。門口A字牌都係全手寫，好有心機。
鋪頭入面唔算好大，但設計上啲枱櫈又唔會放到好逼，坐得好鬆動。入面都係以白色為主，比人好精神、清新既感覺。
Menu都係手寫、手畫，又真係畫得幾靚。咖啡選擇都多，雖然我唔係咖啡迷，唔係好熟啲咖啡，但老細都好細心同有耐性咁逐一介紹。最後我地2個人，點左2杯咖啡同2份野食。
呢個muffin好高質，上面好多朱古力，面頭焗到好脆，但入面都仲係好鬆軟，咬落去成個口都被好濃郁既朱古力味充滿，仲要有流心朱古力係中間，高質！
其次係呢個雞批，同樣焗到好脆身，入面既磨菇同雞肉味好突出，同啲老式茶記既雞批有得揮，唔知點解有啲懷念既味道。
主角黎啦！呢個就係老細介紹既filter coffee，係用印尼咖啡豆即場製成，等既可以都見到咖啡師既專業、專心製作，絕對無花無假。平時飲開茶記咖啡既我，一飲就飲得出個分別。聞落同入口有啲酸味、果香，好有層次，唔似得平時飲既得個苦字。呢到係我第一次細心品嚐咖啡。
用心拉花既coffee shop係香港都買少見少，但竟然係屯門會見到，好驚喜！呢杯咖啡飲落好香好滑，高質，唔錯！
黎得coffee shop大家都係想遠離煩囂，慢活一下，呢間鋪頭就做到啦！大家想黎休息下既，一定要揀呢到，而家價錢都唔貴，好抵，推廌！
张贴
