雞朱寶 (已結業)

之前係呢度食過巴西厚切豬扒雙拼飯，評價相當高，肉既份量多、煎得夠香口又有口感，所以今次黎試試其他款式。今次黎挑戰椒鹽豬扒飯，呢個亦係鋪頭最貴既飯之一，見到隔離枱既食物先上菜，陣陣香味飄過黎真係好肚餓。過多陣，我既飯就到喇，我諗等5分鐘左右就有得食。汁唔算太多，但椒鹽豬扒整到好香口，食一舊可以扒幾口飯，所以最後食晒d飯都仲有椒鹽豬扒。店員見狀，就問我需唔需要加飯，結果加足一碟飯，仲提示我可以事前嗌多飯，當然食食下唔夠都可以提出，認真窩心。