焼肉 焰

营业中

休息中

今日放假去屯門行街，經過一間門外好有格調餐廳，望一望餐牌主要食和牛及其他燒肉，亦有套餐價錢合理就入去試下。九宮格燒肉盛盒套餐賣相吸引！九宮格入面有和牛牛小排、和牛牛肋肉、和牛牛三筋、和牛牛舌、豬頸肉、雞腎、新瀉雞肉、五花肉、味噌雞頸肉和和牛壽司4件，款款肉質色澤都好靚，和牛牛小排肉味香濃而不膩，脂肪分佈平均。牛肋肉非常軟淋，配合埋醬汁一齊食，好滿足！牛舌都好爽口。雞頸肉又滑又多汁。五花肉肥瘦適中，豬皮燒得香脆惹味！和牛壽司🍣和牛未燒之前色澤紅潤，燒完之後油脂滲出，有入口即溶嘅感覺😋最後飲埋杯原味活乳酸梳打同巨峰提子乳酸梳打，味道清新解去啱啱食燒肉嘅油膩，正！