周記避風塘 (已結業)

係屯門市廣場5樓的分店, 由於全層只得佢一間食肆開左, 而家都未算太多人一家四口去食個lunch, 叫左3個set, 平均每個$45左右啦, 頭盤3款, 鹽燒魚下巴, 沙薑雞翼尖,蒜蓉菜心, 主菜為避風塘炒飯, 蒜香海鮮炒飯同豬頸肉炒河, 每個餐送冷熱餐飲一杯鹽燒魚下巴有2件, size都係好細下, 係一人份量, 不過燒得真係唔錯, 個皮好香又脆, 入面的魚肉好滑唔腥,味道鮮而且不太咸其實個位即係魚soy下面個舊肉啦, 好味~~沙薑雞翼尖好滑, 滑到有點難夾起呢, 但係個味太咸啦, 真係唔駛再點沙薑啦, 咸得過份, 扣左好多分, 蒜蓉菜心當然無特別啦, 但係portion都ok避風塘炒飯其實同蒜香海鮮炒飯無咩分別, 相信都係個料多海鮮同多蒜頭辣椒的分別, 2者都係咸左一點, 但係個飯炒得唔錯, 炒得有咬口而且唔太油, 味道不要太咸會好了, 豬頸肉炒河又係同一個錯, 咸~~ 但係豬頸肉係好滑又唔見到佢太多肥喎, 真特別地方舒適, sofa多, 食物用料不錯, 但係阿廚煮太咸好易趕走晒d客, 要改改...