大雞大超級雞排

营业中

休息中

太耐無食大雞大，聽聞仲好似執左幾間分店🙈。驚之後無得再食😂，所以去開屯門就特登兜去友愛買外賣。去到發現舖頭原來裝修左，變得好光猛，無以前咁頹🤣，menu仲選擇多左，有埋便當賣😳。🔅經典BB雞(8件) ($36)BB雞炸得頗嫩😋，幾juicy，炸粉唔算少但都脆口，同埋無以前咁油，呢個價錢黎講都幾抵食。🔅皇者雞腿扒 ($30)雞扒就唔太推薦，雞扒唔算大塊，炸粉又偏厚，加埋雞皮其實都唔食食到好多肉😂。🔅脆炸蘿蔔糕(8粒) ($20)平時少食炸蘿蔔糕，見唔算貴就叫左。蘿蔔糕幾足料，4粒可能已經等於平時既2塊😳，但炸左比平時酒樓食既煎蘿蔔糕更香更好食😝。少少辣夠晒惹味！💬如果想食下台式炸雞既話，屯門比較常食就係巷口炸雞同大雞大😳。歡迎留言推薦其他好食既炸雞🤤。