巴打廳 (已結業)

巴打廳，以為四川菜，睇睇下似米線，但又有些似湯品，又有些似台灣野，唔緊要啦，想吃就吃乜，香港人最愛多元化。一心想吃湯品，要飯就湯分上，要湯麵都可以，但想渴湯，所以要飯，分裝兩個大碗，真係湯飯又得，白飯配湯又得，悉隨尊便。胡椒豬肚湯好夠胡椒味，都算辣，但辣得開胃，咁先似胡椒豬肚湯，唔係扮野。裡面有幾件豬肚，都好軟易咬不嚡口，幾好味，又有幾件嫩雞，一定係煲完湯後加上去，等你有幾件嫩雞咬下，更加回味，難得係咁多件雞，湯都不是太油膩，仲好清新，大大碗湯大大碗飯，真係好易入口。蟲草花湯都好多蟲草，又有清新雞湯，令我想起上次去潮江春的蟲草花湯.... 另點了半例醉醺蹄，好重花雕味，滴酒不沾真係會有少少醉意。份量好多，都抵食。仲有半份脆米鯪魚球，已事先通知只有兩粒，真係諗住試下，脆米很脆，真材實料魚肉，但如果體積可以大一半，相信會心情吃得更滿意。如果大粒些，肯定變招牌菜。這店食物質素好好，可惜門口讓人吸煙，二手煙吹哂入店，我眼睛對二手煙是會刺痛，令我痛恨為何要讓煙民大模斯樣在門口吸煙而令食客辛苦？ 或者叫煙客合作些，吸煙時關上食店大門？間中也有蒼蠅光顧，雖不很大隻，但都感困擾，環境麻麻，但見電視播的