影片
更多
2012-07-19
10 浏览
陪屯門朋友食飯, 先知屯門開咗間一壽司, 咁就走去試試啦！入到去, 好大間舖喎。我好鍾意食希靈魚, 今次被我揾到希靈魚籽做嘅壽司, 立即落order試吓, 個名叫做雪之花蟹肉壽司, 其實係希靈魚籽及蟹肉, 好多人都唔鍾意食希靈魚, 因為嫌佢腥, 我就唔覺得, 仲最鍾意希靈魚籽脆卜卜嘅口感, 加埋蟹肉, 都係唔錯嘅配搭。食完魚籽食蟹籽, 呢個芝士蟹籽蟹棒壽司真係好食, 蟹棒肉感好, 好有啖啖肉feel, 我一向都有d驚有芝士嘅壽司, 怕會膩, 要係好吸引嘅配搭先會食, 今次食呢個芝士蟹籽又唔覺膩, 咁樣加埋味道真好。想講吓King Kong卷, 睇個餐牌, 呢個King Kong卷有白魚, 蝦, 牛油果, 蟹棒, 海膽, 吞拿魚, 三文魚及三文魚籽, 總共有8樣食材做一碟壽司, 以往都無留意呢碟壽司, 見佢咁有誠意擺咁多野落去, 咁就叫嚟試下啦, 食後感覺係大包圍, 好似出奇蛋咁滿足幾個慾望, 都抵食嘅, 起碼比足咁多料。而三文魚三食就一般啦, 加辣汁同黑椒, 我會鍾意就咁食三文魚壽司多d, 味道其實唔差, 只不過無咩驚喜。黑松露牡丹蝦壽司賣相都幾精緻, 見到蝦肉顏色都覺得新鮮, 蝦肉爽
我好鍾意食希靈魚, 今次被我揾到希靈魚籽做嘅壽司, 立即落order試吓, 個名叫做雪之花蟹肉壽司, 其實係希靈魚籽及蟹肉, 好多人都唔鍾意食希靈魚, 因為嫌佢腥, 我就唔覺得, 仲最鍾意希靈魚籽脆卜卜嘅口感, 加埋蟹肉, 都係唔錯嘅配搭。
食完魚籽食蟹籽, 呢個芝士蟹籽蟹棒壽司真係好食, 蟹棒肉感好, 好有啖啖肉feel, 我一向都有d驚有芝士嘅壽司, 怕會膩, 要係好吸引嘅配搭先會食, 今次食呢個芝士蟹籽又唔覺膩, 咁樣加埋味道真好。
想講吓King Kong卷, 睇個餐牌, 呢個King Kong卷有白魚, 蝦, 牛油果, 蟹棒, 海膽, 吞拿魚, 三文魚及三文魚籽, 總共有8樣食材做一碟壽司, 以往都無留意呢碟壽司, 見佢咁有誠意擺咁多野落去, 咁就叫嚟試下啦, 食後感覺係大包圍, 好似出奇蛋咁滿足幾個慾望, 都抵食嘅, 起碼比足咁多料。
而三文魚三食就一般啦, 加辣汁同黑椒, 我會鍾意就咁食三文魚壽司多d, 味道其實唔差, 只不過無咩驚喜。
黑松露牡丹蝦壽司賣相都幾精緻, 見到蝦肉顏色都覺得新鮮, 蝦肉爽口, 黑松露好香, 令蝦更鮮味, 食完一件再叫多咗一件, 真係唔錯唔錯。
嘩呢個特長海鰻壽司, 真係有成隻筷子咁長, 汁燒海鰻燒得好味, 食塊海鰻都開心晒, 只係食一件都夠喉, 雖然心思思想食多件, 但都係留返d quota食第二樣野好過。
张贴
