影片
更多
2011-05-08
35 浏览
見到open rice近期有間點心友人氣急升,我呢個屯門友點可以唔去試試.今日係星期六,又係母親節前席,晚上7:30,點心友門口只有五六個人在等位,大約等十分鐘已安排入坐.環境: 店舖唔算大,坐位好逼,通道好窄,店員不停在窄窄嘅通道上為客人送上食物,加水,落單,帶位等等,有時會見店員唔小心撞倒客人,店員都會好禮貌哋講對唔住.我坐在位時,不停有蚊飛來飛去.食物: 我叫咗8碟點心. 1. 鳳爪排骨煲仔飯: 雖然唔係即叫即煲,但排骨唔會太肥,鳳爪入味,賣相吸引,但豉油比較淡,如果喜歡清淡嘅就ok, 2. 灼西生菜: 唔會太多油,加埋淡口豉油就覺得唔夠咸,最好比碟蠔油就夠細心.可以照顧唔同口味嘅人. 3. 叉燒餐飽: 熱辣辣嘅餐飽裹有少少汁,唔會太甜,好味. 4. 牛栢葉: 味道唔錯嘅牛栢葉可惜得半碗,重要有兩件大大件白蘿蔔,扣分. 5. 雞扎: 大大碟,味道適中,我最喜歡. 6. 春風得意腸: 仍然係唔夠鹹豉油,腸粉皮唔太厚,包住春卷(如果用蝦春卷就重好味). 7. 蟹籽燒賣: 肉多,一般. 8. 蝦餃皇: 一籠得兩粒,蝦好爽,試吓無防,不過我樓下間酒樓朝早外賣蝦餃10元
今日係星期六,又係母親節前席,晚上7:30,點心友門口只有五六個人在等位,大約等十分鐘已安排入坐.
環境: 店舖唔算大,坐位好逼,通道好窄,店員不停在窄窄嘅通道上為客人送上食物,加水,落單,帶位等等,有時會見店員唔小心撞倒客人,店員都會好禮貌哋講對唔住.我坐在位時,不停有蚊飛來飛去.
食物: 我叫咗8碟點心.
1. 鳳爪排骨煲仔飯: 雖然唔係即叫即煲,但排骨唔會太肥,鳳爪入味,賣相吸引,但豉油比較淡,如果喜歡清淡嘅就ok,
2. 灼西生菜: 唔會太多油,加埋淡口豉油就覺得唔夠咸,最好比碟蠔油就夠細心.可以照顧唔同口味嘅人.
3. 叉燒餐飽: 熱辣辣嘅餐飽裹有少少汁,唔會太甜,好味.
4. 牛栢葉: 味道唔錯嘅牛栢葉可惜得半碗,重要有兩件大大件白蘿蔔,扣分.
5. 雞扎: 大大碟,味道適中,我最喜歡.
6. 春風得意腸: 仍然係唔夠鹹豉油,腸粉皮唔太厚,包住春卷(如果用蝦春卷就重好味).
7. 蟹籽燒賣: 肉多,一般.
8. 蝦餃皇: 一籠得兩粒,蝦好爽,試吓無防,不過我樓下間酒樓朝早外賣蝦餃10元有4粒,質素差唔多,下次一定唔會叫.除非突然好想食,如果唔係就唔值.
總結: 食物質素係好,不過口味各有不同,我比較喜歡濃味少少的點心,如果其他人口味比較淡,可能會好啲.這裡2元一位茶,免加一,值得一讚,但次次飲完茶杯裹嘅茶,要等佢沖水,就會出現制水,請店主好好改善一下.
张贴
