影片
更多
2020-06-05
135 浏览
某一同朋友收工後黎左呢間餐廳，見佢黃色而且d食物賣相好似好創新有趣。當日入到餐廳都算多人，所以我地被安排入左間細房。我地點了12道菜的廚師發板$1180位第1道 牛油果x慕思，沙律，旁邊有一包陳皮栴，入面居然是牛油果。第2道 海草x梳打，魚子氣泡水，職員話可以將魚子放落氣泡水，搖均之後飲落去會有卜卜既感覺。由於本人平時唔太好氣泡水，所以我唔係好識品味呢杯野。第3道 廢老x湯，職員放上蒸餾咖啡機，把湯現場煲煮。下層是牛骨湯，而上面是木魚花，牛骨湯吸收左木魚花味，個湯係好涌甜而且好木魚香味，個湯有驚喜。第4道 慢煮鴨胸，我一見到職員拎住有煙既食物，我就準備好鏡頭拍片，一打開～好似仙境咁煙霧瀰漫，跟係就見到有隻金雀同鳥，又幾有趣，哈哈原來是煙燻鴨胸鵪鶉蛋，旁邊仲有豆苗，味道正常，呢道菜勝在精緻有趣。第5道 可持續發展海產刺身，終於送上刺身啦，終於明白佢係非一般食Omakase，主打創新創意，所以有刺身食既時候好開心。第6道 泥土，好似雲吞既野，原來入面是海膽，旁邊有枝醬油管，海膽好新鮮，一口食落去好滿足，如果有多舊盲更多好。第7道 食用紙x牆，大大日本張牛肉乾（可以食），底下是牛脷。呢個醬汁
當日入到餐廳都算多人，所以我地被安排入左間細房。
我地點了12道菜的廚師發板$1180位
第1道 牛油果x慕思，沙律，旁邊有一包陳皮栴，入面居然是牛油果。
第2道 海草x梳打，魚子氣泡水，職員話可以將魚子放落氣泡水，搖均之後飲落去會有卜卜既感覺。由於本人平時唔太好氣泡水，所以我唔係好識品味呢杯野。
第3道 廢老x湯，職員放上蒸餾咖啡機，把湯現場煲煮。下層是牛骨湯，而上面是木魚花，牛骨湯吸收左木魚花味，個湯係好涌甜而且好木魚香味，個湯有驚喜。
第4道 慢煮鴨胸，我一見到職員拎住有煙既食物，我就準備好鏡頭拍片，一打開～好似仙境咁煙霧瀰漫，跟係就見到有隻金雀同鳥，又幾有趣，哈哈
原來是煙燻鴨胸鵪鶉蛋，旁邊仲有豆苗，味道正常，呢道菜勝在精緻有趣。
第5道 可持續發展海產刺身，終於送上刺身啦，終於明白佢係非一般食Omakase，主打創新創意，所以有刺身食既時候好開心。
第6道 泥土，好似雲吞既野，原來入面是海膽，旁邊有枝醬油管，海膽好新鮮，一口食落去好滿足，如果有多舊盲更多好。
第7道 食用紙x牆，大大日本張牛肉乾（可以食），底下是牛脷。呢個醬汁好惹味，而且肉質嫩身，好味！
第8道 咸魚白菜也好好味，好特別，佢用左我地平時文具既板直接上菜，上面有獅子山下的歌詞。
問職員點解叫呢個菜名，佢話左炸香魚，右邊係豆腐包菠菜， 寓意咸魚白菜。
原來咁有寓意，炸香魚唔油膩，豆腐汁幾香甜。
第9道生菜包炙燒三文魚食身，佢送上枱見到舊菜真係唔知咩黎，原來係仿韓國燒肉，但就日式炙燒三文魚，呢個好好味，D汁流哂出黎，好香。
第10道 魚蝦蟹，用個金色紙包住既炸物，係由魚肉蝦肉蟹肉加埋一齊既炸物，旁邊有似牙膏造型既甜酸辣醬。
第11道 甜酸苦辣，吞拿魚他他薄脆壽司，旁邊有枝咖啡比我地加落飯到，有青檸代表酸，咁我地就問職員咁甜係咩野，佢過壽司飯代表甜， 叫我哋慢慢咀嚼，佢哋個菜全部都好有寓意。
第12道 甜品，有菠蘿柚子沙冰
沙水幼細，柚子味香，但略少偏甜。跟住有份Lego啫喱好愛。
當日職會都好nice，每道菜都有簡單介紹，而已走既時候，都有話我男仔朋友個樣咁young，落去要小心。(因為前1晚有事)
张贴
