泰華餐廳

营业中

休息中

行完山到乐华邨揾食，虽然屋邨唔细，但餐厅又唔算多，左选右拣先揾到呢间唔系商场内嘅屋邨茶记。星期日下午茶时间全场坐满，眼见街坊多点盅头饭，炸脾薯条多，我就选择食炸两，萝卜糕加奶茶，肠粉出奇滑，油条又够脆，惊喜👍，奶茶同评语一样奶味重，茶味少，但胜在够滑。萝卜糕正常，粉多萝卜少，但味道比酒楼点的好味。老公点左牛丸米，冻柠茶，牛丸冇牛味，柠茶正常。今次驱使我要写食评主要原因系想帮泰华平反一下服务态度，由入餐厅一刻几乎满座，只能撘枱坐2人位，后尾执枱姐姐主动叫我地转张4人枱坐得舒服啲，落单姐姐亦非常有礼貌，埋单亦有讲多谢哂。所以值得为泰华平反下。