新派韓食館 (已結業)

翻新後既商場H.A.N.D.S，入面有唔少餐廳，我地一行人行咗一陣，見到新派韓食館，設計係開放式，幾寬敞，而且店外貼住告示，

幾特別喎，所以決定入去試番個晚餐。其實有侍應識講廣東話或普通話，所以點餐時都冇有怕。一黎就有五小碟前菜，包括泡菜(夠辣夠好味)、芽菜(卜卜脆)、蓮藕片(爽口)、黑豆(甜甜地)同埋菠菜(正常)。

前菜

最遲上既係火炎芝士拉豬仔骨，不過佢係今餐既重頭戲，所以想介紹咗先。侍應會先將中間d豬仔骨夾走，再用筷子係咁攪d芝士，攪呀攪，攪到溶完變成一團野，再煮多陣，逐件卷起豬仔骨，俾我地食。

1

火炎芝士拉豬仔骨

$178

芝士卷得好厚，仲諗住會好結實，點知一咬，都可以拉絲，拉到好長。豬仔骨既辣醬調味好濃味，正！

1

跟住食咗個街頭辣炒魚片年糕餃子，份量好足，好多魚片同年糕，食隻餃子飲啖湯，品嚐佢既辣味。

街頭辣炒魚片年糕餃子

$88

又食咗雞肉石鍋伴飯同烤豬腩肉大醬湯手切麵，另外再叫個小食芝士味炸雞，都富有韓國特色。

雞肉石鍋伴飯

$72

烤豬腩肉大醬湯手切麵

$78

今餐食得好滋味，menu上面仲有好多野好想試下，不日再去。

1

芝士味炸雞

$58