Vortex American Snack Bar (已結業)

街坊小舖，淨係做夜市，平時都會定期去幫襯下，嗌外賣會比較好，因為舖入面同出面冇乜位坐。預咗呢度所有食物都係即叫即整，所以要花啲時間等，而且係值得等嘅。今次就唔試Burger，改為試Nachos，墨西哥脆片上，加咗大量芝士，之後再拎去焗，鐘意芝士嘅朋友一定唔可以錯過，非常惹味，同埋有佢俾咗兩種醬，一個係牛油果醬 同埋 忌廉芝士，我個人就鐘意牛油果醬多啲。同樣都係預左一個人係食唔哂，嗌嚟同朋友分享最好。基本上呢間舖係冇嘢食唔推介，大家值得一試，但如果唔想摸門釘，就可能8:30之後先嚟就穩陣啲啦。