稻香 (新翠商場) (已結業)

今日放假，所以陪媽媽去飲茶😎下午茶2點開始，1點9拎位，好少人，所以唔洗等準時2點入座。一黎叫左胡椒豬肚😋個味唔錯，不過可以再濃啲! 枝竹唔夠新枝，仲有啲難咬!豬肚反而好淋，幾入味!媽媽話雲耳最正，又爽口!我比3.5分＜5分滿分＞第二樣係大大隻既裹蒸糉😲有粒大瑤柱，但有啲難咬!蛋黃好大粒! 最正係粒蛋黃!綠豆較少!入面好少料!味道普通!我比2.5分＜滿分5分＞不過抵就抵在於食裹蒸糉+$1有一籠流沙包（本身係皮蛋瘦肉粥但冇哂所以轉左包）超級好味!好熱!夠哂熱!絕對係流沙，好正呀!😙一咬流左落個碗到!我比4.5分＜滿分5分＞最後食左雞扎拼鴨腳扎😂（雞同鴨講!）<--gag味道唔錯!個腐皮難咬!雞唔滑!鴨腳冇雪味!都幾好!我比3分＜5分滿分＞飲左n杯茶，冇乜人所以侍應好快手加水茶就唔好高期望，飲得落普普通通正正常常啦!唔算貴，建議多啲下午茶既點心。