糖室 (已結業)

係又一城食完晚餐，又想食埋糖水，結果就由又一城行去南山村搵糖水食。行行下，就見到呢間糖室，係出面見到佢個價位都OK，咁我地就去咗試啦！其實岩岩食完野都好飽，但係呢間野有最低消費，所以我哋都各自點了一款甜品。我點既係桂花桂圓燉原個雪梨，個雪梨係好琳，但你咬落去時又唔會好似一pat野咁，飲埋佢個雪梨水，你會覺得更加滋潤。當我食到一半既時候，友人所點的豆腐花都仲未到，追單嘅時候個店員先話原來已經賣晒冇貨，都有點失望，明明滿心歡喜想食個樣甜品但係有冇得食，唔追問都唔通知我地。